'غذا کو ضائع نہ کیا جائے'

جنوبی بھارت کی ریاست کرناٹک کے شہر بنگلورومیں بوہرہ مسلم سماج کی جانب سے "عالمی یوم غذا" کی آمد کے موقع پر ایک ریلی کا اہتمام کیا گیا۔

اکرناٹک میں محمدیہ مسجد کی انتظامیہ کمیٹی کی زیر نگرانی میں اتوار کے روز اسکول کے طلبا کی ایک ریلی نکالی گئی جو تقریباً 3 کیلو میٹر کا فاصلہ طے کرکے عوام کو یہ پیغام دیا کہ رزق، غذا، اللہ کی ایک عظیم نعمت ہے اور اسے ضائع نہ کیا جائے۔

اس موقع پر مسجد محمدیہ کے امام و خطیب مولانا طاہر رشید نے ای ٹی وی بھارت سے بات کرتے ہوئےکہا کہ کھانا اللہ کی نعمت ہے اور اسے ہرگز ضائع نہیں کرنا چاہئے۔ انہوں نے بتایا کہ بوہرا سماج کی جانب سے ہر روز غریب، مسکین اور ضرورت مندوں کو کھانا پہنچایا جاتا ہے، اس نیت کے ساتھ کہ کوئی بھوکا نہ سوئے۔اس موقع پر ہاتم کوٹھالیہ نے کہا کہ بھوکوں کو سیر کرانا انسانیت کی ایک اعلیٰ پہچان ہے۔ انہوں نے کہا کہ یہ ایک المیہ ہے کہ ہمارے ملک میں ایک بڑی آبادی بغیر کھانے کے بھوکا سوتی ہے۔اس موقع پر مسجد محمدیہ کے احاطے میں خون کے عطیہ کا پروگرام بھی منعقد کیا گیا جس میں کئی افراد نے بڑھ چڑھ کر خون کا عطیہ دیا۔عالمی یوم غذا سولہ اکتوبر کو منایا جاتا ہے۔