یادگیر میں بینکوں پر صارفین کی بھیڑ

کرناٹک میں جن دھن کھاتے داروں کو پانچ سو روپے فراہم کئے جا رہے ہیں، بینک نے صارفین سے سماجی فاصلے کا خیال رکھنے کی اپیل کی ہے۔

لاک ڈاون کے پیش نظر وزیراعظم فلاح پیکیج کے تحت جن دھن کھاتہ داروں میں پانچ سو روپے کے حساب سے نقد رقم کی مرکزی حکومت کے فیصلے کے بعد کرناٹک کے ضلع یادگیر کی خواتین رقم کی وصولی کے لئے صبح سویرے سے ہی سماجی فاصلے پر عمل کرتے ہوئے اپنی باری کا انتظار کرتی نظر آرہی ہیں۔

یادگیر کے کینرا بینک مینیجر شیشی گری نے ای ٹی وی بھارت سے بات کرتے ہوئے کہا کہ ہمارے برانچ میں پردھان منتری جن دھن یوجنا کے تحت 15 ہزار اور پردھان منتری کسان یوجنا کے تحت 5 ہزار کھاتے ہیں۔

کرناٹک میں جن دھن کھاتے داروں کو پانچ سو روپے فراہم کئے جا رہے ہیں

بینک مینیجر نے صبح دس بجے سے شام 4 بجے تک بینک آنے والے تمام کھاتے داروں سے اپیل کی ہے کہ وہ کرونا وائرس سے بچنے کے لیے حکومت کی جانب سے بتائے گئے احتیاطی اقدامات پر عمل کریں اور سماجی فاصلے پر عمل کرتے ہوئے اپنے شہری ہونے کے حقوق کو ادا کریں۔