اسی سلسلے میں کرناٹک محمدیئرہ کنڑا ویدیکے، فلاح الدارین اور الفیض ٹرسٹ کی جانب سے کرناٹک ڈیویلوپمینٹ اتھاریٹی سے اپیل کی گئی تھی کہ حکومت کی جانب سے ریاست میں غیر کنڑا زبان والوں کو کنڑا سکھانے کا کوئی نظم کیا جائے۔
لہٰذا کنڑا ڈیویلوپمینٹ اتھارٹی کے چیئرمین ٹی ایس ناگابھرن کی ہدایت پر عبدالرحمن پاشاہ نے محمدیئرہ کنڑا ویدیکے کے ذمہ داران سے شہر کی متیکیرے مسجد میں ملاقات کی۔
اس موقع پر انہوں نے ای ٹی وی بھارت سے بات کرتے ہوئے کہا کہ مذکورہ تنظیموں سے گزارش کی گئی ہے کہ شہر بنگلور کے مختلف مساجد و مدارس میں اردو کے ساتھ ساتھ کنڑ زبان سکھانے کے لیے لائحہ عمل بنائیں۔
اس موقع پر محمدیئرہ کنڑا ویدیکے کے صدر سمیع اللہ خان نے بتایا کہ وہ نہ صرف شہر بنگلور بلکہ ریاستی سطح پر اس مہم کو چلائیں گے اور آئمہ کرام و علماء کو بھی کنڑ زبان سے آراستہ کرنے کی کوشش کریں گے۔
واضح رہے کہ کنڑا زبان ریاست کرناٹک کی سرکاری زبان ہے۔ ریاست کے چند علاقوں میں مسلمان کنڑازبان کچھ حد تک سمجھ لیتے ہیں تاہم زیادہ تر لوگ بول نہیں پاتے ہیں۔ اس کی وجہ سے انہیں سرکاری دفاتر میں مشکلات کا سامنا کرنا پڑتا ہے۔ ان حالات میں محمدیئرہ کنڑا ویدیکے اس قدم کی تعریف کی جا رہی ہے۔
