بریلی میں خاندانِ اعلیٰ حضرت امام احمد رضا خاں Imam Ahmad Raza Khan فاضلے بریلوی کے اہم بزرگ نبیرائے اعلیٰ حضرت مفتی حضرت تحسین رضا خاں صاحب کے 15 ویں عرس تحسینی کا آج سے پرچم کشائی کے ساتھ آغاز ہو گیا۔
پرچم کشائی سے ایک روز قبل خانقاہ شریف میں غسلِ سندل کی رسم ادا کی گئی۔ واضح رہے کہ تین روزہ عرس 18، 19 اور 20 فروری کو منایا جائے گا۔ آخری دن یعنی 20 فروری کو دن میں تقریباً 12 بجے کل کی رسم ادا کی جائے گی۔
جلوس پرچم سے قبل چوک میں جشن تحسینی کی مختصر محفل منعقد ہوئی جس کا آغاز مفتی عبدالمنان نے تلاوت قرآن مجید سے کیا اور اعظم تحسینی، غیاث خان، سید مجاہد علی، ریاض احمد خان رَضوی نے نعت اور منقبت کا نزرانہ عقیدت پیش کیا۔
نعیم تحسینی اور شاہ رخ تحسینی کے ساتھ ساتھ تمام معروف عقیدت مند اپنے ساتھ پرچم لے کر چلے تو لوگوں نے جگہ جگہ استقبال کیا۔ اخیر میں یہ پرچم خانقاہِ تحسینی میں پہنچا اور درگاہ کے سجادہ نشین نے عرس کے آغاز کا اعلان کیا۔
