اتر پردیش حکومت میں کابینی وزیر دھرم پال سنگھ ”انڈین ویٹرنری رسرچ انسٹیٹیوٹ“ آئی وی آر آئی میں ایک پروگرام کو خطات کرنے کے بعد صحافیوں سے مخاطب تھے۔ اُنہوں نے کہا کہ نئی تعلیمی پالیسی کے تحت اتر پردیش کے مدارس میں بھی قوم پرستی سے متعلق تعلیمی نصاب پڑھایا جائے گا۔ اُنہوں نے متنازعہ تبصرہ کرتے ہوئے کہا کہ مدارس میں دہشت گردی کی بات نہیں ہوگی۔ مدارس میں پیشہ وارانہ تعلیم بھی دی جائے گی۔ اُنہوں نے مزید کہا کہ اتر پردیش میں تمام مقامات پر ایسی اطلاعات موصول ہو رہی ہیں کہ وقف بورڈ کی تمام اراضی اور جائیدادوں پر غیر قانونی طریقے سے دبنگ اور مافیاؤں نے قبضہ کر لیا ہے۔ ایسی تمام جائیدادوں کو غیر قانونی قبضہ سے آزاد کرایا جائے گا۔ کابینی وزیر دھرم پال سنگھ نے کہا کہ وقف کی کروڑوں روپیہ قیمت کی تجاوزات کے ذریعہ قبضہ شدہ اراضی کو بُلڈوزر کے ذریعے خالی کرایا جائے گا اور ان تمام اراضیوں اور جائیدادوں کو اقلیتی طبقے کی فلاح و بہبود میں استعمال کیا جائے گا۔
کابینی وزیر دھرم پال سنگھ نے کہا کہ یوگی حکومت بھی گائے کی حفاظت اور دیکھ بھال کے لیے بہت سے اقدام اُٹھا رہی ہے۔ وزیر اعلیٰ نے احکامات دیئے ہیں کہ اتر پردیش میں خالی زمین کی نشان دہی کریں۔ اس زمین کو مویشیوں کا چارہ تیار کرنے کے لیے استعمال کیا جائے گا۔ ہر میونسپلٹی میں کم از کم ایک گئوشالہ تعمیر کی جائے گی۔ اُنہوں نے مزید کہا کہ گائیوں کے تحفظ کے لیے ہم گاؤں میں ایک گاؤں کی اراضی کی سرکاری زمین کی نشاندہی کرکے وہاں گئوشالہ تعمیر کا جائے گی۔ گائوں کو آزادانہ گھومنے کے لیے نہیں چھوڑا جائے گا۔ اعلیٰ معیار کی گایوں سے زیادہ سے زیادہ دودھ پیدا کرنے کے لیے اُنہیں گئوشالہ میں ہی بحفاظت رکھا جائے گا۔
یہ بھی پڑھیں:
- Loudspeakers Ban At Mosques: مساجد کے لاؤڈ اسپیکر پر پابندی کا مطالبہ
- ایم ایل سی امیدوار چیت نارائن نے مدارس کے تعلق سے کیا کہا؟
دھرم پال سنگھ نے کہا کہ گائے میں پانچ الیمینٹس پائے جاتے ہیں۔ جن میں تین غذائی اجزاء دودھ، دہی اور گھی کے علاوہ دو قدرتی الیمینٹس گائے کا گوبر اور پیشاب حاصل ہوتے ہیں۔ ان کے فروخت کرنے سے حاصل ہونے والی رقم گائے کے چارے اور گائے کی حفاظت کے لیے شیڈ بنانے پر خرچ کی جائے گی۔ اس سے روزگار میں بھی اضافہ ہوگا۔ اُنہوں نے مویشیوں کی ویکسینیشن، بیماری، علاج، ایمبریو ترانس پلانٹ وغیرہ سے متعلق پہلوؤں پر ”انڈین ویٹرنری ریسرچ انسٹیٹیوٹ“ آئی وی آر آئی کے سائنس دانوں کے ساتھ میٹنگ کی۔
