یہ طلبہ وہاں گریجویشن کا چار سالہ کورس مکمل کریں گے۔ ان طلبہ کے علاوہ سال گزشتہ منظر اسلام کے جن تین طلبہ کا انتخاب ہوا تھا اور وہ کورونا وائرس وبائی پروٹوکال کی وجہ سے نہ جا پائے تھے، ان میں سے دو طلبہ بھی امسال ان پانچ طلبہ کے ہمراہ مصر جائیں گے۔ مصر جانے والے طلباء میں بریلی سے کلیم الرحمٰن، ہاشم حسین، ریحان رضا جب کہ جموں سے اسد عرفات، ضلع پیلی بھیت سے بلال رضا خاں کا انتخاب ہوا ہے۔ اِس کے علاوہ گزشتہ برس منتخب ہونے کے باوجود مصر نہ جا پانے والے تین میں سے دو طلباء مراد آباد سے سید ریحان رضا اور رامپور سے سید افروز بھی اس سال مصر جارہے ہیں۔
منظر اسلام کے ان طلبہ کے ٹکٹ بھی امسال جامع ازہر کی جانب سے بھیجے گئے ہیں، جو بھاری طلبہ کی ازہر میں تنظیم ”کے رئیس“ کی کوششوں سے 5 نومبر کو مصر قونصیلیٹ کی طرف سے موصول ہو چکے ہیں۔ ان ساتوں طلبہ کے انتخاب پر جامعہ رضویہ منظر اسلام کے سربراہ حضرت سبحان رضا خاں سبحانی میاں صاحب اور سجادہ نشین حضرت مفتی محمد احسن رضا قادری نے خوشی کا اظہار کرتے ہوئے شیخ ازہر اور سفیر مصر جناب وائل حامد صاحب کا فون پر شکریہ ادا کیا۔ ان طلبہ کو دعائیں اور مبارک باد دیتے ہوئے تلقین فرمائی کہ جہاں بھی رہیں مذہب و مسلک اور ملک و ملت کے وفادار بنکر رہیں۔ اہل سنت مسلک اعلیٰ حضرت پر سختی سے قائم رہیں اور اس کے فروغ کے لیے ہمہ وقت کوشاں رہیں۔
منظر اسلام کے استاد مفتی محمد سلیم نوری نے بتایا کہ ان تمام طلبہ کی دستاویزی کاروائی مکمل ہو چکی ہے اور جامع ازہر میں ہندوستانی طلبہ کی تنظیم کے صدر اور دہلی میں قیام پذیر ازہری عالم دین حضرت مولانا تاج محمد خان ازہری کی کوششوں سے یہ تمام طلبہ آخر کار مصر روانگی کے لیے مکمل طور پر تیار ہیں اور وہاں جانے کے سارے اسباب مہیا ہو چکے ہیں۔
