اطلاعات کے مطابق ضلع بریلی میں ایک سو سے زائد اسکولوز نے یو ڈائس پورٹل پر اپنا ڈاٹا اپلوڈ نہیں کیا ہے۔ ان اسکولوز کو دس جون تک ڈاٹا اپلوڈ کرنا تھا۔ اب ان تمام اسکولوں کو خبردار کیا گیا ہے کہ ایک جولائی کو اسکول کھلنے سے پہلے یہ ڈاٹا اپلوڈ کرنا لازمی ہے۔
اتر پردیش حکومت نے صوبے میں انٹر میڈیئیٹ کالجوں پر نگرانی رکھنے کے لیے پورٹل 'یونیفائڈ ڈسٹرکٹ انفارمیشن سسٹم فار ایجوکیشن یو ڈائس' پر اسکول سے متعلق تمام معلومات کا ڈاٹا پورٹل پر اپلوڈ کرنا لازمی تھا۔ اس کے لیے باقائدہ دس جون آخری تاریخ دی گئ تھی لیکن ضلع کے کل 494 انٹرمیڈیئیٹ کالجوں میں سے 120 کالجوں نے کوئی جانکاری پورٹل پر اپلوڈ نہیں کیا ہے۔
یوڈائس پورٹل پر اپنے اسکول سے متعلق تمام معلومات اپلوڈ نہیں کرنے والے اسکولوں کا مینجمنٹ 'ڈسٹرکٹ انسپکٹر آف اسکول' کے نشانے پر آ گیا ہے۔ ڈی آئی او ایس نے ان اسکولوں پر نکیل کسنے کے لیے تحصیل اور بلاک ستح پر نوڈل آفیسر تعینات کیے ہیں۔ انہیں ہدایت دی گئ ہے کہ آئندہ دو دن میں ڈاٹا اپلوڈ کرکے اس کی ہارڈ کاپی ڈی آئی او ایس دفتر میں جمع کر دیں، اس کے بعد کوئی مہلت نہی دی جائے گی۔
دراصل یوڈائس پورٹل پر اسکول سے وابستہ تمام معلومات اپلوڈ کیی جاتی ہے۔ تاکہ اسکول کے بابت حکومت کو پوری مولومات رہے۔ مثلاً اسکول میں بچوں کی کل تعداد، پاس اور فیل بچوں کی تعداد، اسکول کی فیس کی تفصیل، فرنیچر اور کلاسیز کی تعداد، اسکول کے منسلک بورڈ کی تفصیل اور ٹیچر اور پرنسپل کی رپورٹ سمیت اسکول کے سالانہ نتائج کا بھی ذکر کرنا ضروری ہے۔
بہرحال ڈاٹا اپلوڈ نہ کرنے والے سبھی 120 اسکولوں کو آخری مرتبہ تاکید کی گئی ہے کہ سارا ڈاٹا یکم جولائی سے قبل اپلوڈ کر دیں ورنہ کارروائی کے لیے تیار رہیں۔
