بریلی میں ضلع کانگریس کمیٹی نے ضلع دفتر پر ایک تقریب کا انعقاد کیا۔ جس میں پارٹی کی خواتین عہدے داران اور کارکنان کو مدعو کیا گیا تھا۔ اس موقع پر کانگریس کے ضلع صدر مرزا اشفاق ثقلینی نے کہا کہ موجودہ وقت میں کانگریس پارٹی واحد ایس پارٹی ہے، جو خواتین کی حصہ داری Bareilly Congress on Women Empowerment کو بالخصوص یقینی بنانے کی کوشش کر رہی ہے۔ پارٹی کی جنرل سکریٹری پرینکا گاندھی نے خواتین کی حوصلہ افزائی کے لیے ایک عنوان 'لڑکی ہوں، لڑگے سکتی ہوں' بھی دیا ہے۔ جس سے واضح ہو جاتا ہے کہ کانگریس پارٹی خواتین کو خاص توجہ دینا چاہتی ہے اور اُنہیں سماجی، سیاسی حصہ داری کے ساتھ خود مختار بنانے کی ایمان دارانہ کوشش کر رہی ہے۔
ضلع صدر مرزا اشفاق ثقلینی نے کہا کہ ریاستی انچارج پرینکا گاندھی نے خواتین کے لیے ایک عہد لیا ہے۔ سونیا گاندھی کی قیادت میں کانگریس نے اس وقت تمام اپوزیشن جماعتوں کی مخالفت کے باوجود پارلیمنٹ میں خواتین کو 33 فیصد ریزرویشن دینے کا عہد ظاہر کیا تھا۔
یہ بھی پڑھیں:
کانگریس پارٹی ضلع صدر کی قیادت میں کانگریس پارٹی کی خواتین عہدے داران نے ”شکتی ودھان خاتون منشور“ جاری کیا۔ کانگریس کی سابق میئر سُپریا ایرن نے کہا کہ کانگریس نے ہی ملک میں پہلی خاتون کے طور پر اندرا گاندھی کو وزیر اعظم کی شکل میں منتخب کیا۔ کانگریس نے ہی ملک میں پنچایتی راج لاکر لاکھوں خواتین کو اپنے دیہی اور شہری علاقوں میں سب سے پہلے پائیدان پر حکومت کرنے کا اختیار دیا ہے۔ یہی کانگریس پارٹی کی خواتین کے تئیں اپنی حمایت کا سب سے بڑا ثبوت ہے اور یہی پہچان ہے۔
