مولانا صہیب رضا خاں نے مرکزی حکومت سے مطالبہ کیا ہے کہ' چوبیس برس کے طویل عرصہ کے انتظار کے بعد بریلی شہر سے بھی فضائی سفر ممکن ہو پایا ہے۔ اس سے شہر میں دیگر ریاستوں اور ممالک سے آنے والے تمام تاجروں، شہریوں کے ساتھ ساتھ زائرین کو بھی سہولت ملےگی۔ ایسے تمام زائیرن بھی درگاہ پر منعقد ہونے والی تمام تقاریب میں شرکت کر سکیں گے، جو سفر کی دشواریوں اور طویل راستے کی وجہ سے درگاہ پر پہنچے سے قاصر رہتے ہیں۔
اس شہر کو 'اعلیٰ حضرت امام احمد رضا خاں' کے نام کی وجہ سے عالمی سطح پر شناخت ملی ہے تو اُس نام سے وابستگی کا مظاہرہ کرتے ہوئے حکومت کو بریلی ایئر پورٹ کا نام'اعلیٰ حضرت ایئر پورٹ' رکھ دینا چاہیئے۔
انہوں نے مزید کہاکہ' اس تعلق سے صرف بریلی کے مسلمانوں کے مطالبات پر غور کرنے کے بجائے بریلی کے غیر مسلم شہریوں سے بھی مشورہ کرنا چاہیئے۔ سبھی شہریوں کی متفقہ رائے مشورے کے بعد ہی بریلی ایئرپورٹ کا نام 'اعلیٰ حضرت ایئر پورٹ' رکھا جانا چاہیئے۔
