غور طلب ہے کہ گزشتہ بی ڈی اے نے غیر قانونی تجاوزات کو ہٹانے کی مہم کے تحت ضلع کے دیہی علاقے میں چندپور بِچپوری گاؤں میں ”اوگھا شاہ بابا“ کے مزار کو بھی مسمار کر دیا تھا۔ اس کے بعد مقامی لوگوں نے بی ڈی اے کی اس کارروائی کے خلاف سڑک پر اُتر کر جمکر ہنگامہ کیا تھا۔ بی ڈی اے کے افسران نے موقع سے فرار ہوکر اپنی جان بچائی تھی۔ اس کے بعد درگاہ اعلیٰ حضرت سے وابستہ تنظیم ”جماعت رضائے مصطفیٰ“ نے گاؤں میں موقع پر جاکر بی ڈی اے کی اس کارروائی کے خلاف احتجاج کیا تھا اور ضلع انتظامیہ کو اس معاملہ میں مداخلت کرنے کے لیئے ایک ہفتہ کا وقت دیکر آگاہ کیا تھا کہ اس کے بعد بی ڈی اے کے خلاف سڑکوں پر آکر ہنگامہ آرائی کا دور بھی شروع کیا جائےگا اور بےمیادی احتجاجی مظاہرہ کیا جاٰئےگا۔
ضلع انتظامیہ کے مداخلت کرنے کے بعد بی ڈی اے نے جماعت رضائے مصطفیٰ کے عہدے داران اور ممبران کے ساتھ ایک میٹنگ منعقد کی اور تقریباً دو گھنٹے کے بحث و مباحثہ کے بعد یہ فیصلہ کیا گیا کہ بی ڈی اے اپنے خرچ سے اوگھا شاہ بابا کا مزار دوبارہ تعمیر کرائےگا۔ اگر مزار کے احاطے میں بی ڈی اے زمین ہے تو مزار کے منتظم اُس زمین کو خالی کریں گے۔ لیکن بے ڈی اے نے ابھی تک وہاں دوبارہ کام کرانے میں تیزی نہیں دکھا رہا ہے۔ لہزا جماعت رضائے مصطفیٰ نے اپنی جانب سے ایک کمیٹی تشکیل دی ہے۔ جو مزار کے دوبارہ تعمیراتی کام کی نگرانی کریگی اور اس کی رپورٹ بھی جماعت کے دفتر میں پیش کرےگی۔ رپورٹ کی بنیاد پر جماعت اپنی جانب سے مزید کارروائی کرےگی۔
