شمالی کشمیر کے ضلع بارہمولہ کے تحصیل ہیڈکواٹر سوپور کے ڈاک بنگلہ میں آج اربن لوکل باڈیز کی ڈائریکٹر متھورہ معصوم نے سوپور قصبہ کا از خود دورہ کرکے میونسپل کونسل کے چیئرپرسن مسرت کار اور میونسپل کونسل کے اعلی عہدیدارو کے ساتھ ایک میٹنگ کی۔اس دوران انہوں نے بابائے قوم مہاتما گاندھی اور سابق وزیراعظم لال بہادر شاستری کو ان کے یوم پیدائش پر خراج عقیدت پیش کیا۔
بابائے قوم کو خراج عقیدت پیش کرتے ہوئے انہوں نے کہا ’’گاندھی جینتی کے دن باپو کو خراج عقیدت پیش کرنا چاہیے کیونکہ یہ دن باپو کی قربانیوں اور ملک کی آزادی کے لئے ان کے جدو جہد کو یاد کرنے کا دن ہے
انہوں نے مزید کہا کہ اس موقع پر ہم سب کو گاندھی جی کے تعلیمات، نظریات پر عمل کرنے کی ضرورت ہے او ر ان کے خوابوں کا ہندوستان بنانے کی ضرورت ہے ۔ اس موقع پر انہوں نے صفائی ملازمین کے درمیان اسناد پیش کرتے ہوئے ا ن کی حوصلہ افزائی کی
انہوں نے لوگوں سے صفائی و ستھرائی پر توجہ دینے کی اپیل کی ۔اس موقع پر ان کے ہمراہ مونسپل کمیٹی چیئرپرسن مسرت کار کے علاوہ کونسلرس ودیگر افسران موجود تھے۔
اس دوران ایک کونسلر نے میڈیا سے بات کرتے ہوئے کہا کہ قصبہ سوپور کو پچھلے کئی دہائیوں سے نظر انداز کیا گیا ہے اور سوپور کے اندر صرف میٹنگز کا انعقاد کیا جاتا ہے۔ جس سے ہمیں کوئی فائدہ نہیں پہنچتا ہے ۔
مزید پڑھیں:سوپور حملے میں زخمی کاؤنسلر کا بھی انتقال
انہوں نے مزید کہا کہ امید ہے کہ وزیراعظم نریندر مودی نے جن اسکیمز کو عوام کے فلاح بہبو کے لئے متعارف کرایا ہے ان اسکیموں سے سوپور کے لوگوں کو فائدہ پہنچے گا۔ اس کے ساتھ سوپور کی ترقیاتی کاموں پر بھی توجہ دی جائیگی
