اس اعلان کے بعد عوامی اتحاد پارٹی کی جانب سے شمالی کشمیر کے ہندوارہ چنار پارک میں ایک جلسہ عام کا اہتمام کیا گیا۔
انجنیئر رشید نے میڈیا سے بات کرتے ہوئے کہا کہ انہوں نے نیشنل کانفرنس، پی ڈی پی اور پیپلز کانفرنس کو ایک ہی پلیٹ فام پر آکر لوگوں کی صحیح نمائندگی کرنے کو کہا تھا۔
مگر ان پارٹیوں کی طرف سے کسی بھی طرح کی پیش رفت نہیں کی گئی جس کی وجہ سے میں نے خود لوک سبھا انتخابات میں حصہ لینے کو ترجیح دی ہے۔
انجینئر رشید نے مزید کہا کہ بطور رکن اسمبلی میں نے ہر ممکن کوشش کی کہ لوگوں کی ترجمانی کروں اور اب یہ لوگوں پر منحصر ہے کہ وہ مجھے پارلیمنٹ میں بھیجیں تاکہ وہاں جاکر میں ان کی آواز بن سکوں۔
انہوں نے نیشنل کانفرنس، پی ڈی پی او ر پیپلز کانفرنس پر الزام عائد کرتے ہوئے کہا کہ یہ پارٹیاں لوگوں کو مختلف بنیادوں پر تقسیم کر رہی ہیں جس کی وہ سخت مذمت کرتے ہیں۔
