سوپور: کتوں کے کاٹنے سے 35 سالہ شخص ہلاک

شمالی کشمیر کے سب ضلع سوپور کے سنگرام پورہ علاقہ کا 35 سالہ شخص، جو بارہ روز قبل کتوں کے حملے میں شدید زخمی ہوا تھا، آج ہفتہ کی شام گھر میں اپنی زندگی کی جنگ ہار گیا ہے۔

اطلاعات کے مطابق شبیر احمد ڈار ولد علی محمد ڈار ساکن سنگرام پورہ کو 6 ستمبر میں آوارہ کتوں نے سوپور کے مرکزی چوک میں حملہ کرکے شدید زخمی کردیا تھا۔

زخمی شخص کو فوراً نزدیکی ہسپتال منتقل کیا گیا جہاں اسے سرینگر ہسپتال ریفر کیا گیا اور وہاں مناسب علاج کرانے کے بعد وہ گھر واپس آگیا۔ تاہم آج ہفتہ کی شام زخمی شخص نے زخموں کی تاب نہ لاکر دم توڑ دیا۔ ان کی ہلاکت پر علاقہ میں غم کا ماحول پھیل گیا ہے۔