کل (6 مارچ 2022) سے ایس ایس آر بی کے امتحانات شروع ہورہے ہیں۔ ان میں شامل ہونے کے لیے گریز سے تعلق رکھنے والے تقریباً ایک سو تیس امیدوار پچھلے دس دن سے کسی طرح سے ضلع ہیڈکوارٹر بانڈی پورہ پہنچنے کی ہر ممکن کوشش کررہے تھے مگر سڑک کا رابطہ نہ ہونے اور پھر ناسازگار موسم نے بانڈی پورہ پہنچنے کا ہر راستہ بند تھا۔ SSRB exam Candidates Reached Bandipora by Flight
اس ضمن میں لیفٹیننٹ گورنر اور ضلع انتظامیہ کی مشترکہ اور بروقت کاروائی کے بعد آج تقریباً ایک سو تیس امیدواروں کو خصوصی پروازوں کے ذریعے بانڈی پورہ پہنچایا گیا۔
واضح رہے کہ بانڈی پورہ گریز سڑک بھاری برف بھاری وجہ سے پچھلے کئی مہینوں سے آمدورفت کے لئے بند ہے۔ جبکہ ناسازگار موسم کے باعث پروازیں بھی بند ہیں۔ جبکہ دوسری جانب ان امیدواروں کے امتحانات کی تاریخ نزدیک آرہی تھی۔ ان امیدواروں نے گورنر، صوبائی اور ضلع انتظامیہ کا شکریہ ادا کرتے ہوئے کہا کہ ان کی مشترکہ اور بروقت کاروائی کے باعث ایک دن میں اتنے افراد کو گریز سے باہر نکالا جاسکا۔ جس کی وجہ سے یہ امیدوار اب ان امتحانات میں شرکت کر پائیں گے۔
