شمالی کشمیر کے ضلع بانڈی پورہ کے شادی پورہ سوناواری علاقے کے لوگوں نے شکایت کی ہے کہ انہیں گندہ پانی پلایا جا رہا ہے۔ لوگوں کے مطابق شادی پورہ میں واقع ایک فلٹریشن پلانٹ کے پاس موجود واٹر ٹینکی میں صفائی کا خیال نہیں رکھا جارہا ہے، جس کے سبب پانی میں کیڑے پڑ رہے ہیں۔ وہی پانی علاقے کو سپلائی کیا جا رہا ہے۔
مقامی لوگوں نے میڈیا کو بتایا کہ انہیں گندہ پانی پینے پر مجبور کیا جا رہا ہے۔ انہوں نے کئی دفعہ محکمہ جل شکتی کو اس سلسلے میں متنبہ کیا کہ ٹینکی کی صفائی کی جائے، لیکن انتظامیہ نے توجہ نہیں دی۔ انہیں مسلسل یہی گندہ پانی پینا پڑ رہا ہے۔
یہ بھی پڑھیں:بانڈی پورہ: خستہ حال سڑک سے مقامی پریشان
حاجی غلام حیدر نامی شہری نے بتایا کہ جو پانی انہیں سپلائی کیا جا رہا ہے اس میں آئے دن کیڑے مکوڑے نکلتے ہیں، جو انسانی جانوں کے لیے خطرے کا باعث بن سکتا ہے۔ انہوں نے انتظامیہ سے اپیل کی ہے کہ مذکورہ واٹر سپلائی کی صفائی ستھرائی کا خیال رکھا جائے تاکہ لوگوں کو پینے کے لیے صاف و شفاف پانی فراہم ہو۔
