سمبل ونگی پورہ میں این آئی اے کا چھاپہ

قومی تحقیقاتی ایجنسی این آئی اے نے پیر کو شمالی کشمیر کے ضلع بانڈی پورہ کے ونگی پورہ سوناواری میں ایک رہائشی مکان اور ایک شاپنگ کمپلیکس پر چھاپہ مارا -

ونگی پورہ سمبل میں این آئی اے کی ایک ٹیم مقامی پولیس اور سی آر پی ایف کی ایک ٹیم کے ہمراہ صبح 9:30 بجے ونگی پورہ پہنچی اور اس دوران انہوں نے ایک رہائشی مکان کی تلاشی کارروائی شروع کی ہے -

ذرائع نے ای ٹی وی بھارت کو بتایا کہ ونگی پورہ کے شوکت پرے ولد عبدالسلام پرے کے رہائشی مکان اور شاپنگ کمپلیکس کی تلاشی لی گئی اور اس دوران کچھ دستاویزات کے علاوہ دو عدد خراب موبائل فون کو اپنی تحویل میں لے لیا -

خیال رہے شوکت پرے کو دو سال قبل منشیات فروشی کے ایک معاملے میں گرفتار کیا گیا تھا۔ حال ہی میں ضمانت پر رہا ہوئے تھے تاہم کچھ روز قبل انہیں این آئی اے نے ہندواڑہ نارکو ملیٹنٹ کیس میں ایک بار پھر حراست میں لے لیا اور آج ان کے رہائشی مکان کے علاوہ شاپنگ کمپلیکس کی تلاشی لی گئی -

پولیس ذرائع نے ای ٹی وی بھارت کو بتایا اس کارروائی کا مقصد شوکت پرے کی جائداد کے علاوہ ان کے دکان کی جانچ پڑتال کرنا تھا - قریب چار گھنٹے کی اس جانچ پڑتال کے بعد این آئی اے نے ان کے گھر سے کچھ دستاویزات کے علاوہ دو عدد خراب موبائل فون اپنے ساتھ لے گئی۔