'پاور وولٹیج کی کمی کے باعث کھیتوں تک پانی سپلائی مشکل'

شمالی کشمیر کے ضلع بانڈی پورہ کے سوناواری علاقے میں مختلف گاؤں میں لوگ مسلسل دھان کے کھیتوں میں پانی نہ ہونے کی شکایات کر رہے تھے اور اس سلسلے میں متعدد مقامات پر محکمہ اریگیشن کے خلاف احتجاج بھی کیے گئے۔

محکمہ میکنکل اریگیشن کے ایگزیکٹو انجینئر غیاث الدین نے اس سلسلے میں بات کرتے ہوئے کہا کہ انہیں اس دفعہ کئی مقامات پر اریگیشن پمپ سٹیشنوں میں پاور وولٹیج کی کمی کا سامنا ہے، جس کی وجہ سے اریگیشن کا کام متاثر ہورہا ہے۔

انہوں نے بتایا کہ اکثر جگہوں پر لگے پمپ سٹیشنز، جو کھیتوں کو پانی سپلائی کرتے ہیں، میں پاور وولٹیج کی کمی کی وجہ سے دھان کے کھیتوں میں پانی سپلائی متاثر ہورہی ہیں۔

انہوں نے مزید کہا کہ کئی جگہوں پر لوگوں نے نہریوں میں غیر قانونی تجاوزات اور نہروں کی صفائی نہ ہونے کی وجہ سے صحیح طریقے سے کھیتوں تک پانی نہیں پہنچ پا رہا ہے۔

انہوں نے مزید بتایا کہ محکمہ اس جانب اپنی کوششیں جاری رکھیں ہوئے ہے، تاکہ کھیتوں اور فصلوں کو نقصان سے بچایا جا سکے۔