بانڈی پورہ: ضلع اسپتال بانڈی پورہ District Hospital Bandipora میں باقاعدہ طور پر کام کاج شروع ہو گیا ہے۔ اسپتال میں علاج شروع ہونے سے مقامی افراد نے راحت کی سانس لی ہے۔
مقامی کا کہنا ہے کہ اس نئی عمارت میں کام کاج تو شروع کیا گیا، لیکن کئی ایک بنیادی سہولیات کے بغیر۔ یہ اسپتال اب بھی سی ٹی اسکین جیسی اہم سہولیت سے محروم ہے، جس کے لئے یہاں کے مقامی افراد یا مریضوں کو یہاں سے تقریباً قریبآ 60 کلومیٹر دور سرینگر کا رخ کرنا پڑتا ہے۔ یا پھر 30 کلو میٹر دور سوپور جانا پڑتا ہے۔
لوگوں کے مطابق اگر اسی ہسپتال میں تمام طبی سہولیات میسر کرا دی جائیں تو مریضوں کو سرینگر یا سوپور نہیں جانا پڑے گا۔
اس کے ساتھ ساتھ اس ہسپتال میں اب بھی ڈاکٹرز اور دیگر طبعی عملے کی بے حد کمی ہے۔ جبکہ کام کاج شروع ہونے کے تقرہباً ڈیڑھ سال بعد بھی لفٹ اور ہیٹنگ Heating جیسی سہولیات بھی میسر نہیں ہے۔ جس کے باعث بہت سے مریض یا تو دیگر علاقوں یا پھر نجی کلنکس کا رخ کرنے کے لئے مجبور ہوجاتے ہیں۔حالانکہ لیفٹیننٹ گورنر کے ایڈوائزری سے لیکر ڈائریکٹر ہیلتھ اور دیگر متعلقہ سبھی افسران پچھلے اس عرصے کے دوران مسلسل وعدہ کرتے آئے ہیں کہ یہ سبھی مسائل حل کیے جائیں گے۔ لیکن یہ سبھی وعدے آج تک کھوکھلے ثابت ہوتے آئے۔
