شمالی کشمیر کے ضلع بانڈی پورہ کے سمبل سوناواری میں پولیس نے دو چوروں کو گرفتار کیا ہے۔ ذرائع کے مطابق سمبل پولیس کو چوری کی ایک واردات کے متعلق ایک شکایت موصول ہوئی تھی جس کے فوراً بعد پولیس نے اس معاملے میں تفتیش شروع کردی تھی۔
پولیس نے شکایت کے صرف 12 گھنٹے بعد دو چوروں کو گرفتار کرلیا اور ان کی تحویل سے چوری کا سارا سامان بھی ضبط کرلیا ہے۔
مزید پڑھیں:گیا: چوری کی گاڑی پر نمبر پلیٹ بدل کر گھومتے پکڑے گئے کوچنگ ماسٹر
ایک پولیس عہدیدار نے اس بات کی تصدیق کرتے ہوئے بتایا کہ سمبل پولیس کو اویس احمد نامی شخص کی جانب سے چوری کی ایک شکایت موصول ہوئی تھی۔ شکایت کے فوراً بعد پولیس نے کاروائی کا عمل شروع کیا اور اس دوران دو چوروں کو گرفتار کرکے ان کے پاس سے چوری کا سامان بھی ضبط کیا ۔جس میں پانچ موبائل فون اور سات ہزار روپے سے زائد رقم کے علاوہ اور بھی کچھ اشیاء ضبط کیا گیا ہے۔
پولیس نے اس سلسلے میں ایک ایف آئی آر زیر نمبر 98/ 2021 متعلقہ دفعات کے تحت درج کیا ہے اور اس میں مزید تفتیش جاری ہے۔
