بانڈی پورہ میں حاجن کے میر محلہ میں کچھ روز قبل ڈرینیج سسٹم کو مضبوط کرنے کے لیے ایک ڈرین کی تعمیر کا کام شروع کیا گیا، تاہم کچھ روز کے بعد ہی یہ ڈرین کھسکنے لگی ہے۔ مقامی لوگوں نے شکایت کی ہے کہ ڈرین میں غیرمعیاری میٹریل استعمال کیا جارہا ہے۔
قابل ذکر ہے کہ یہ ڈرین محکمہ آر اینڈ بی کی جانب سے سب ڈویژن سمبل کے حاجن شاہ گنڈ روڈ پر تعمیر کی جارہی ہے۔ لوگوں نے الزام عائد کرتے ہوئے کہا کہ ڈرین میں ٹھیکیدار کی جانب سے غیر معیاری میٹریل استعمال کیا جارہا ہے۔ مقامی لوگوں نے ڈی سی بانڈی پورہ ڈاکٹر اویس احمد سے اس معاملے میں مداخلت کی اپیل کی ہے۔
مزید پڑھیں:بانڈی پورہ: گرلز اسپورٹس فیسٹیول اختتام پذیر
اس سلسلے میں جب ای ٹی وی بھارت کے نمائندے نے محکمہ آر اینڈ بی کے اسسٹنٹ ایگزیکٹو انجینئر سے رابطہ کیا،تو انہوں نے ٹھیکیدار کے خلاف کارروائی کرنے کی یقین دہانی کرائی۔
