اورنگ آباد کے سلوڑ تعلقہ میں ’ہم بھارت کے لوگ‘ نامی تنظیم کی جانب سے ترنگا ریلی نکالی گئی، یہ ریلی سی اے اے اور این آر سی کی مخالفت میں نکالی گئی۔
اس ریلی کو شہر کے مختلف راستوں سے گزاری گئی۔
اس ریلی کی خاص بات یہ رہی کہ اس میں تمام مذہب کے ہزاروں افراد نے کافی تعداد میں شرکت کر کے ریلی کو کامیاب بنانے کی کوشش کی گئی۔
یہ ریلی سلوڑ کے امبیڈکر چوک پہنچ کر جلسہ عام میں تبدیل ہوگئی۔
اس موقع پرریاستی وزیر جتیندر اوہاڑ اور عبدالستار نے ریلی سے خطاب کیا، جتیندر اوہاڑ نے سی اے اے اور این پی آر کو نظریاتی جنگ سے تعبیر کیا۔
ان کا کہنا ہیکہ حکومت کا اصلی چہرہ بے نقاب ہوگیا ہے وہ اس ملک میں گولوالکر کے نظریات تھوپنا چاہتے ہیں جبکہ اس ملک کی اساس امبیڈکر کا دستور ہے اس لیے مسلمان جب دستور بچانے کی بات کررہے ہیں تو یہ پریشان ہوگئے ہیں۔
اس ریلی میں ہزاروں کی تعداد میں لوگوں نے شرکت کی اورسی اے اے کی واپسی کا مطالبہ کیا۔
