ریاست مہاراشٹر کے شہر اورنگ آباد میں کورونا کی وجہ سے ایک نوزائیدہ بچی سات دن میں ہی اپنی ماں سے محروم ہوگئی۔ 28 مئی کو کورونا مثبت خاتون نے ویلی اسپتال میں ایک پیاری بچی کو جنم دی تھی۔
کٹک گیٹ کے علاقے سے تعلق رکھنے والی ایک 30 سالہ خاتون کو گزشتہ ماہ کی 28 تاریخ کو زچگی کے لیے ویلی اسپتال میں داخل کرایا گیا تھا۔اور بچی کی پیدائش کے بعد 29مئی کو خاتون کی کورونا رپورٹ مثبت آنے کے سبب بچی کو ماں سے الگ وارڈ میں شفٹ کر دیا گیا۔
گزشتہ تین دن سے اس عورت کی صحت خراب ہو رہی تھی جس کی وجہ سے خاتون کو سانس لینے میں دشواری ہو رہی تھی۔ ڈاکٹروں نے اسے بچانے کی پوری کوشش کی لیکن 4 جون کو اس خاتون کی موت واقع ہوگئی۔
ویلی اسپتال کے عہدیداروں نے بتایا کہ نوزائیدہ بچی کی پہلی رپورٹ منفی تھی اور بچی کی دوبارہ جانچ پڑتال کی گئی ہے۔ جلد ہی یہ بھی رپورٹ موصول ہوگی، اب تک 22 کورونا مثبت خواتین کو ویلی ہسپتال میں کامیابی کے ساتھ زچگی کرایا جاچکا ہے۔لیکن اورنگ آباد میں کسی خاتون کے مرنے کا یہ پہلا واقعہ تھا۔
