ریاست مہاراشٹر مراٹھواڑہ میں اضافی بارش سے ہزاروں ایکڑ پر پھیلی فصلیں برباد ہو گئیں، جس کو لے کر ایم این ایس کی قیادت میں ڈیویژنل کمشنر آفس کے روبرو جاگرن دھرنا دیا گیا۔
دھرنا دینے والوں ایم این ایس کے رہنماؤں کا کہنا ہے کہ حکومت نے کسانوں کی نقصان بھرپائی نہیں کی تو آنے والے وقت میں دھرنے میں شدت لائی جائے گی۔
مراٹھواڑہ میں اضافی بارش کسانوں کے لیے مصیبت ثابت ہوئی۔ ان کی کھڑی فصلیں برباد ہوگئیں، ہزاروں ایکڑ زمین زیر آب ہو گئیں، جس کی وجہ سے کسانوں پر فاقہ کشی کی نوبت آگئی ہے۔
ضلع انتظامیہ اور حکومت کی جانب سے کسانوں کو ابھی تک کوئی امداد نہیں مل پائی ہے، جس کی وجہ سے کسانوں کو احتجاج کا راستہ اختیار کرنا پڑ رہا ہے۔
اورنگ آباد میں مہاراشٹر نونرمان سینا کی قیادت میں کسانوں نے جاگرن دھرنا دیا۔ ایم این ایس کے رہنماؤں کا الزام ہے کہ سرکاری حکام سروے کے نام پر وقت ضائع کررہے ہیں جبکہ کسانوں کو فوری امداد کی ضرورت ہے۔
مزید پڑھیں:
اورنگ آباد: گنتھے واری اسکیم کی تاریخ میں توسیع کی اپیل
ایم این ایس کا مطالبہ ہے کہ مراٹھواڑہ میں گیلے قحط کا اعلان ہونا چاہیئے اور فوری امداد کو یقینی بنایا جائے۔
