مالیگاؤں میں محکمہ صحت عامہ کی جانب سے موصول معلومات کے مطابق کل 85 افراد کورونا وائرس سے متاثر ہیں، اب تک 8 مریضوں کا انتقال ہوچکا ہے۔
گزشتہ روز 38 لوگوں کی کورونا وائرس ٹیسٹ رپورٹ میں سے 30 لوگوں کی رپورٹ منفی آئی ہے جبکہ 8 افراد کورونا پازیٹیو پائے گئے ہیں۔
اسی طرح سے 2 مریضوں کے انتقال کے بعد رپورٹ مثبت پائی گئی اور ابتک کل 6 لوگوں کی اموات درج کی گئی ہے۔ واضح رہے کہ کورونا وائرس متاثرین کو بغرض علاج جیون اسپتال میں ڈاکٹر فیصل سلیمان ایم ڈی کی نگرانی میں رکھا گیا ہے۔
لیکن ان مریضوں کی ابتدائی جانچ سیول اسپتال میں ڈاکٹر کیشور ڈانگے کر رہے ہیں اور مریضوں کی معلومات محکمہ صحت عامہ کے ڈاکٹر تری بھون کی جانب سے لسٹ جاری کی جا رہی ہے۔
شہر میں میں کورونا وائرس کی وجہ سے خوف و ہراس کا ماحول بنا ہوا ہے۔ ساتھ ہی لوگوں میں یہ بات بھی گشت کررہی ہے کہ بلاوجہ کورونا وائرس کے مریضوں کی تعداد میں اضافہ کیا جارہا ہے۔
دوسری جانب کارپوریشن شہر کی بنیادی مسائل پر دھیان نہیں دے رہی ہے۔ کورونا وائرس متاثرین اور ان کے اہل خانہ کے لئے کھانے کا نظم کارپوریشن کی جانب سے نہیں بلکہ جمعیت علماء ہند شاخ مالیگاؤں کی جانب سے مفتی محمد اسماعیل قاسمی کی زیر سرپرستی میں فراہم کیا جارہا ہے۔
