ریاست مہاراشٹر کے ضلع اورنگ آباد میں کورونا مریضوں کی تعداد میں اضافہ ہو رہا ہے 30 ستمبر رات کو ضلع انتظامیہ کی جانب سے جاری رپورٹ کے مطابق ضلع میں کورونا کے 237 نئے مریض سامنے آئے ہیں۔
ضلع میں کورونا مریضوں کی تعداد بڑھ کر 33648 ہوگئی ہیں، کورونا وائرس کے مریضوں کی بڑھتی ہوئی تعداد سے انتظامیہ پریشان دکھائی دے رہی ہے۔
ضلع میں 937 افراد کی کورونا سے موت واقع ہوئی ہے اور 27500 مریض صحتیاب ہو کر اپنے گھر جا چکے ہیں جبکہ 5211 مریض اسپتال میں زیر علاج ہیں۔
مزید پڑھیں؛ دو دن کم رہنے کے بعد کورونا کے فعال کیسز میں پھر اضافہ
کورونا مریضوں کو اورنگ آباد ضلع کے مختلف اسپتالوں میں علاج کے لیے رکھا گیا ہے، مریضوں کی بڑھتی تعداد کو دیکھتے ہوئے پولیس نے شہر میں جگہ جگہ چیک پوائنٹ لگائے ہیں تاکہ لوگ بے وجہ شہر میں نہ گھومیں۔
انتظامیہ نے عوام سے اپیل کی ہے کہ وہ اپنے گھروں میں ہی رہیں اور ضرورت کے وقت ہی گھروں سے باہر نکلیں، عوام سے سماجی دوری بنائے رکھنے، منہ پر ماسک لگانے اور انتظامیہ کے ساتھ تعاون کرنے کی بھی اپیل کی گئی ہے۔
مزید پڑھیں؛ اندور: مزید 469 افراد کورونا متاثر
اورنگ آباد ضلع میں کئی جگہ ہاٹ سپوٹ بنائے گئے ہیں، کنٹنمنٹ زون کے لوگوں کو اپنے زون سے باہر نکلنے کی اجازت نہیں دی جا رہی ہے جن علاقوں میں مثبت مریض پائے جا رہے ہیں ان علاقوں کو پوری طرح سیل کر دیا گیا ہے اور وہاں پر انتظامیہ کی جانب سے سینیٹازیشن کا کام جاری ہے۔
ملک بھر میں عالمی وبا کورونا وائرس سے متاثرہ افراد کی تعداد 63لاکھ سے تجاوز کر گئی ہے، جن میں 52لاکھ 73ہزار صحت یاب جبکہ 98ہزار کی موت واقع ہو چکی ہے۔ ملک بھر میں کورونا متاثرین اور اس سے ہوئی ہلاکتوں کی تعداد سب سے زیادہ ریاست مہاراشٹر میں موجود ہے۔
مزید پڑھیں: تین ریاستوں میں کورونا سے سب سے زیادہ اموات
عالمی وبا کورونا وائرس نے دنیا بھر میں قریب ساڑھے تین کروڑ افراد کو اپنی لپیٹ میں لے لیا ہے، جن میں سے اب تک دس لاکھ سے زائد افراد فوت ہو چکے ہیں۔
