اورنگ آباد کے مضافاتی علاقے میں بنیادی سہولیات کا فقدان

شیوسینا ایم ایل اے پردیپ جیسوال نے سعیدہ کالونی کا دورہ کرکے لوگوں کو یقین دہانی کرائی کہ جلد ہی ان کے مسائل حل ہوجائیں گے۔

ریاست مہاراشٹر کے اورنگ آباد کے مضافاتی علاقے سعیدہ کالونی میں بنیادی سہولیات کا فقدان ہے۔ مقامی لوگ پچھلے تیس سال سے پانی، سڑک اور ڈرینج کے مسائل سے دوچار ہورہے ہیں۔

اورنگ آباد کے جٹواڑہ روڈ پر واقع مضافاتی علاقے سعیدہ کالونی اور اطراف و اکناف کی بستیوں میں بنیادی سہولیات کا فقدان ہے، سعیدہ کالونی کے باشندے سڑک، بجلی، پانی اور ڈرینج کی سہولیات کا مطالبہ کرتے کرتے تھک چکے ہیں۔

پچھلے تیس سال سے وہ ان مسائل کا سامنا کررہے ہیں، شیوسینا رکن اسمبلی پردیپ جیسوال نے سعیدہ کالونی اور دیگر علاقوں کا دورہ کیا اور مقامی لوگوں کے مسائل جاننے کی کوشش کی۔

اس موقع پر شیوسینا ایم ایل اے نے یقین دہانی کرائی کہ آئندہ چند مہینوں میں سعیدہ کالونی کا ڈرینج کا مسئلہ حل کردیا جائے گا۔