آٹو رکشہ حادثے کا شکار، چار افراد ہلاک

شادی کی تقریب سے لوٹ رہے لوگ سڑک حادثہ کے شکار ہو گئے۔

مہاراشٹر کے خطہ مراٹھواڑہ کے ضلع پربھنی میں اتوار کی رات ایک آٹورکشہ الٹنے کے نتیجے میں چار افراد کی موت ہوگئی۔

پولیس ذرائع کے مطابق امبے جوگئی کے کچھ لوگ سونپیٹھ میں شادی کے پروگرام میں شرکت کے بعد واپس جارہے تھےکہ اسی دوران یہ حادثہ کارم پاتی کے قریب ہوا۔

حادثہ اتنا خوفناک تھا کہ متاثرین کو نکالنے کے لئے جے سی بی کو طلب کرنا پڑی۔ انہیں فوری طور پر اسپتال لے جایا گیا لیکن اس سے قبل ہی ان کی موت ہوگئی تھی۔

پولیس نے رپورٹ درج کرکےتفتیش شروع کردی ہے۔