ریاست مہاراشٹر کے اورنگ آباد شہر میں کورونا ویکسینیشن کے بغیر سرٹیفکٹ Fake Certificate of Vaccination جاری کرنے والے چار افراد کو پولیس نے گرفتار کیا ہے۔ جن میں ایک میڈیکل آفیسر سمیت چار افراد شامل ہیں۔
یہ کارروائی اورنگ آباد کے جنسی پولیس اسٹیشن کی حدود میں انجام دی گئی، پولیس کا دعویٰ ہے کہ ملزمین کورونا کا ٹیکہ لگائے بغیر چھ سو سے ایک ہزار روپئے کے بدلے افراد کو ویکسینیشن کا سرٹیفکٹ Certificate of Vaccination جاری کر رہے تھے۔
اس معاملے کی تفتیش کے بعد میڈیکل آفیسر، ایک ڈاکٹر اور ان کے دو معاونین کو پولیس نے گرفتار کرلیا ہے۔
پولیس کے مطابق ملزمین کے قبضے سے سوشل میڈیا واٹس ایپ پر ان افراد کی تفصیلات بھی فراہم ہوئی ہے جن کو یہ سرٹیفیکٹ دیا گیا ہے، اور مزید تحقیقات جاری ہے۔
یہ بھی پڑھیں: Fake Covid patients: اورنگ آباد میں کورونا کے فرضی مریضوں کے خلاف کیس درج
جنسی پولیس اسٹیشن اورنگ آباد کے سب انسپکٹر گوکل ٹھاکر نے کہا کہ شیور کے میڈیکل آفیسر محی الدین کو سوشل میڈیا پر گاہکوں کی معلومات فراہم کی جاتی تھی اور پھر میڈیکل افسر اپنے ماتحت کام کرنے والی نرسوں کو اس کی جانکاری دیتا تھا، جس کے بعد وہ معلومات ویب پر درج کی جاتی تھی اور ٹیکہ لگائے بغیر ویکسینیشن کی سرٹیفکٹ جاری کر دیے جاتے تھے اور معاوضے کے طور پر گاہکوں سے چھ سو سے ایک ہزار روپئے وصول کیے جاتے تھے۔
