مرکزی اور ریاستی حکومتوں سے ٹیکس میں کٹوتی کا مطالبہ

ریاست مہاراشٹر کے اورنگ آباد میں ورلڈ ہیومن رائٹس کونسل کی جانب سے پٹرول اور ڈیزل کی قیمتوں میں اضافے کے خلاف ایک مطالباتی مکتوب مرکزی حکومت اور ریاستی حکومت کو روانہ کیا گیا ہے اور حکومتوں سے ٹیکس میں کٹوتی کا مطالبہ کیا گیا۔

ورلڈ ہیومن رائٹس کونسل اورنگ آباد یونٹ کی جانب سے پٹرول اور ڈیزل کی قیمتوں میں اضافے کے خلاف ایک مطالباتی مکتوب مرکزی حکومت اور ریاستی حکومت کو روانہ کیا گیا ہے۔

باضابط سروے کرکے حکومت کو یہ بتایا گیا کہ ریاستی اور مرکزی حکومت اپنے ٹیکس میں پانچ فیصد کی کٹوتی کرتی ہے، تو عوام کو کافی راحت ملے گی۔ ہیومن رائٹس کے کارکنان کا کہنا ہے کہ پٹرول میں اضافے کے باعث عام لوگوں کی روزی روٹی چھینے جانے کا خدشہ ہے ۔