بی جے پی کا مہاراشٹر میں خواتین پر مظالم میں اضافہ ہونے کا الزام

اورنگ آباد میں بی جے پی مہیلا اگھاڑی کی جانب سے احتجاج کیا گیا۔ خواتین کا کہنا ہے کہ' ریاستی حکومت خواتین پر ہو رہے مظالم کے خلاف خاموش ہے۔

ریاست مہاراشٹر کے ضلع اورنگ آباد میں بی جے پی مہیلا اگھاڑی کی جانب سے 'آکروش دھرنا' دیا۔ وہیں بی جے پی کا الزام ہےکہ مہاراشٹر میں خواتین پر مظالم میں اضافہ ہو رہا ہے اور ریاستی حکومت خواتین کے ساتھ تفریق کر رہی ہے۔

بی جے پی مہیلا اگھاڑی کی جانب سے اورنگ آباد کے کرانتی چوک علاقے میں مہیلا آکروش دھرنا دیا گیا اس دھرنے میں بڑے پیمانے پر بی جے پی مہیلا ونگ کی کارکنان اور رہنماؤں نے شرکت کی، اس موقع پر مہاراشٹر میں خواتین پر ہو رہے مظالم کے خلاف خواتین نے آواز بلند کی اور ریاستی حکومت پر الزام عائد کیا کہ' وہ اپنی کرسی بچانے کی فکر میں خواتین پر ہورہے مظالم کو نظر انداز کررہی ہے'۔

خواتین نے ریاستی حکومت کو انتباہ دیا کہ فوری طور پر اس تعلق سے اگر حکومت نے نوٹس نہیں لیا تو حکومت کے خلاف ریاست گیر احتجاج کیا جائے گا۔