اورنگ آباد میں ڈرائیونگ لائسنس سے متعلق جعلی ویب سائٹز کے ذریعہ متعد لوگ دھوکہ دہی کا شکار ہورہے ہیں، ایسے میں محکمہ آر ٹی او نے لائسنس سے متعلق معاملات کے لیے صرف آفیشیل ویب سائٹ کا ہی استعمال کرنے کا مشورہ دیا ہے۔
آن لائن ڈرائیونگ لائسنس کو آسانی سے حاصل کرنے کے لیے گوگل سرچ کی گئی ویب سائٹ کے ذریعہ آپ دھوکہ دہی کا شکار ہوسکتے ہیں۔ حالیہ دنوں میں ایسے واقعات میں زبردست اضافہ دیکھا گیا ہے جس کے بعد اورنگ آباد ریجنل ٹرانسپورٹ آفس نے عوام سے چوکس رہنے اور صرف آر ٹی او کی آفیشیل ویب سائٹ (parivahan.gov.in) استعمال کرنے کا مشورہ دیا ہے۔
یہ بھی پڑھیں:اورنگ آباد: شراب کنٹینر حادثہ کا شکار، لوگ بوتلیں لوٹنے کے لیے ٹوٹ پڑے
واضح رہے کہ فرضی ویب سائٹ کی وجہ سے صارفین کی جیب تو خالی ہوتی ہی ہیں، ساتھ ہی ان کی نجی معلومات کے افشاں ہونے کا بھی خدشہ رہتا ہے۔ اس لیے شہریان کو زیادہ چوکس ہوکر لائسنس کے لیے آن لائن درخواست دینا چاہئے۔
