ریاست مہاراشٹر کے ضلع اورنگ آباد میں موجود اتحاد سدھارتھ گارڈن کے چڑیا گھر میں کئی دنوں سے بیمار'کرینا شیرنی'کی موت ہوگئی اس شیرنی کا سوائب بھی لیا گیا تھا۔
اورنگ آباد کے ایک چڑیا گھرمیں شیرنی کی موت
اورنگ آباد میں واقع سدھارتھ گارڈن کے چڑیا گھر میں ایک شیرنی کی موت ہوگئی، شیرنی پچھلے کچھ دنوں سے بیمار تھی میونسپل کارپوریشن کی ڈاکٹر نیتاپاڈلکر کا کہنا ہے کہ دو روز قبل اس کی طبی جانچ کی گئی تھی اور کورونا کا سوائب بھی لیا گیا تھا لیکن آج شیرنی کی موت ہوگئی۔
ڈاکٹر نائیکواڑے کی رہنمائی میں شیرنی کا علاج چل رہا تھا، طبی جانچ میں پتہ چلا کہ شیرنی کو کڈنی کا عارضہ لاحق تھا ڈاکٹر نیتا پاڈلکر کے مطابق کڈنی کے علاج کے لیے پربھنی سے حیوانات کے ماہر ڈاکٹروں کی خدمات حاصل کی گئی تھی لیکن شیرنی دوبارہ صحت یاب نہ ہو سکی ڈاکٹر عملہ شیرنی کی موت کی وجوہات جاننے میں مصروف ہیں۔
