ریاستِ مہاراشٹرا کے اورنگ آباد ضلع گرام پنچایت میں مجلس اتحاد المسلمین نے 65 سے زیادہ سیٹوں پر جیت حاصل کرکے بہترین کارکرددگی کا مظاہر کیا ہے۔ حالانکہ اب بھی متعدد مقامات سے خبریں مصول ہونا باقی ہے، ایک اندازے کے مطابق مجلس اتحاد المسلمین 70 سے زائد سیٹوں پر کامیا ہوسکتی ہے۔ جب کامیاب امیدواروں کے حامی مجلس کی جیت پر جشن منارہے ہیں۔
مجلس اتحادالمسلین گرام پنچایت انتخاب کے ذمہ دار شیخ احمد نے پارٹی کی کامیابی پر مجلس کے سبھی ذمہ داران اور کارکنان کو جیت کی مبارک باد پیش کرتے ہوئے ان کا شکریہ ادا کیا۔
شیخ احمد نے کہا کہ' پارٹی نے گرام پنچایت انتخابات میں بہترین کارکردگی کا مظاہر کیا ہے۔ مزید اورنگ آباد کی عوام نے مجلس پر اعتماد کرتے ہوئے ان کے حق میں ووٹ کیا۔'
شیخ احمد نے کہا ہے کے لوگوں میں یہ غلط فہمی تھی کہ مجلس اتحاد المسلمین صرف شہر میں ہی جیت کر آتی ہے لیکن مخالفین کو اب یہ پتہ چل گیا ہے کہ مجلس دیہی علاقوں میں بھی اپنا دبدبہ رکھتی ہے اور وہاں پر بھی جیت سکتی ہے۔'
شیخ احمد نے کہا ہے کہ آنے والے پنچایت سمیتی اور ضلع پریشد انتخاب میں بھی مجلس حصہ لےگئی اور بڑی سطح پر کامیاب ہوگی'۔
