ساڑھے تین سالہ بیٹی کو ہلاک کرنے والا باپ گرفتار

بھارتی ریاست بنگال کے برتھ علاقے میں ساڑھے تین سالہ بیٹی کو زمین پر پٹک پٹک کر ہلاک کرنے کے الزام میں اس کے باپ کو گرفتار کیا گیا ہے۔

پولس نے آج بتایا کہ کول برتھ علاقے کے رہنے والے شیخ راجو کو اہلیہ افسربیگم کی شکایت پر گرفتار کیا گیا ہے۔ یہ واقعہ بدھ کے دن کا ہے۔ لڑکی کی لاش کو پوسٹ مارٹم کیلئے بھیج دیا گیا ہے۔

شکایت کے مطابق راجو بیٹی کی پیدائش پر غم زدہ تھا۔ بیوی نے بتایا کہ راجو نے کئی مرتبہ بیٹی کو زمین پر مارا جس کی وجہ سے اس کے ہاتھ اور چہرے زخمی ہوگئے تھے۔ پولس نے بتایا کہ پوسٹ مارٹم کی رپورٹ کے بعد چارج شیٹ داخل کی جائے گی۔