مغربی بنگال کے ضلع بردھمان کے آسنسول میں فرنیچر کے گودام میں آتشزدگی ہوئی ہے۔
اطلاعات کے مطابق گزشتہ رات فرنیچر کے گودام میں خوفناک آگ بھڑک اٹھی۔ آسنسول جنوبی پولیس اسٹیشن کے تحت چیلیڈنگا کے علاقے میں یہ واردات ہوئی۔ شروعات میں آتشزدگی پر قابو پانے کی مقامی لوگوں نے کوشش کی۔
اس کے بعد آسنسول جنوبی پولیس اسٹیشن کو آتشزدگی کی اطلاع ملی اور پھر فائر اسٹیشن سے تین فائر انجن موقع پر پہنچے لیکن جگہ کی کمی کی وجہ سے فائر فائٹرز کو بار بار رکاوٹوں کا سامنا کرنا پڑا۔
آتشزدگی پر قابو پانے میں فائر فائٹرز کو ساڑھے تین سے چار گھنٹوں کا وقت لگا۔ ایک اندازے کے مطابق اس واقعے میں کئی لاکھ روپے کا نقصان ہوا ہے۔ ابتدائی طور پر یہ خیال کیا جارہا ہے کہ یہ آتشزدگی شارٹ سرکٹ کے باعث ہوئی ہے۔ تاہم آسنسول ساؤتھ پولیس اسٹیشن کی پولیس نے واقعے کی تحقیقات شروع کردی ہے۔ حادثے میں کوئی جانی نقصان نہیں ہوا ہے۔
یہ بھی پڑھیں۔۔
