سی پی ایم کے امیدواروں نے کہا کہ مغربی بنگال کے بردوان ضلع کے آسنسول میونسپل کارپوریشن Asansol Municipal Corporation کے 106 وارڈوں کے لئے 22 فروری کو ہونے والے انتخابات کیلئے پولیس نے پرچہ نامزدگی داخل کرنے سے روکا ہے۔
سی پی ایم کے رہنماؤں کا الزام ہے کہ ضلع مجسٹریٹ نے انہیں پرچہ نامزدگی Nomination form داخل کرنے کے لئے جو وقت دیا تھا اسی وقت پر سینٹ جوزف اسکول پہنچے تھے۔ لیکن اسکول کے باہر تعینات پولیس اہلکاروں نے انہیں اسکول میں داخل ہونے سے روکنے کی کوشش کی۔
پولیس کا کہنا ہے کہ سی پی ایم کا الزام بے بنیاد ہے۔ ریاستی الیکشن کمیشن کے مطابق گائیڈ لائن پر عمل کیا جا رہا ہے۔ گائیڈ لائن کے مطابق ایک امیدوار کے ساتھ تین لوگ ہی پرچہ نامزدگی داخل کرنے کے لئے اندر جا سکتے ہیں۔ لیکن سی پی ایم کے امیدوار اپنے ساتھ دس لوگوں کو لے جانے کی کوشش کر رہے تھے۔
پولیس کا کہنا ہے کہ پرچۂ نامزدگی داخل کرنے سے کسی کو بھی روکنے کی کوشش نہیں کی گئی ہے۔ یہ بنیاد الزام ہے۔
