ٹی بی فورم ایک ایسا پلیٹ فارم ہے جس میں ضلعی انتظامیہ،صحت، پی آر آئی کے اراکین، صحافی، وکلاء اور سول سوسائٹی کے ممبران کے نمائندے شامل ہیں اور اس کا مقصد سنہ 2025 تک تپ دق، ٹی بی اور اس سے جڑے دیگر امراض کا خاتمہ کرنا ہے۔
ضلع ترقیاتی کمشنر اننت ناگ ڈاکٹر پیوش سنگلا نے ڈی سی آفس میں ٹی بی فورم کی میٹنگ کی صدارت کی۔اس موقع پر خطاب کرتے ہوئے ڈی سی نے کہا کہ محکمہ صحت کو ضلع سے ٹی بی کے خاتمے کے لیے کوششیں تیز کرنے کی ضرورت ہے۔انہوں نے کہا کہ زیادہ سے زیادہ کوریج کو یقینی بنانے اور سماج سے ٹی بی کو کم کرنے کے لیے سرعت سے مہم چلائی جانی چاہیے۔
ڈی سی نے کہا کہ ٹی بی کے کیسز کی نشاندہی کے لیے مراعات کی پالیسی جس میں پرائیویٹ پریکٹیشنرز کو ٹی بی کے کیسز کی اطلاع دینے کے لیے 1000 روپے دیے جاتے ہیں اس کی وسیع پیمانے پر تشہیر کی جانی چاہیے۔
اس موقعہ پر ٹی بی کے حوالے سے جانکاری فراہم کرتے ہوئے کہا گیا کہ یونیورسل ڈرگ سسپٹبلٹی ٹیسٹنگ کے ذریعے 690 مریضوں میں سے 627 کے ٹیسٹ ہو چکے ہیں۔
وہیں ایچ آئی وی سے جڑے صد فیصد ٹیسٹنگ مکمل ہو چکی ہے، نسچے پوشن ابھیان یوجنا کے تحت مستحق پچانوے فیصد کیسز کو مکمل کیا گیا ہے اور باقی کیسز زیر عمل ہیں۔
اس اسکیم کے تحت ابھی تک 15 لاکھ 79 ہزار کی رقم خرچ کی گئی ہے۔اس کے علاوہ ڈسٹرکٹ ٹیوبرکلوسز سینٹر کی جانب علاج و معالجہ کی مدد کے لیے 12 مریضوں کو 16 ہزار کی رقم فراہم کی گئی ہے۔
