اس سلسلے میں جہاں ترسیلی نظام کو مضبوط بنانے کے لیے کام شروع کیے گئے ہیں وہیں آر پی ڈی پی آر پی، آئی پی ڈی ایس، پی ایم ڈی پی جیسی مرکزی اسکیموں کو بھی عملی جامہ پہنایا جا رہا ہے۔
کے پی ڈی سی ایل کے افسران کا کہنا ہے کہ لاک ڈاؤن کے دوران ان کاموں میں جہاں کافی کمی آئی تھی وہیں کاموں کے دوران کورونا سے بچنے کے لیے تمام احتیاطی تدابیر کو اپنایا جا رہا ہے۔
ادھر لاک ڈاؤن کی موجودہ صورتحال کی وجہ سے بجلی کا نظام پوری طرح سے درہم برہم ہو گیا ہے جس کی وجہ سے بجلی کے بنیادی ڈھانچے کو مزید مستحکم بنانے کی ہر ممکن کوشش بے سود ثابت ہو رہی تھی۔
تاہم اب جس طرح سے محکمہ نے کام کی دوبارہ شروعات کی ہے ایسے میں عام لوگوں کی امیدیں بھی دوبارہ جاگ اٹھی ہیں ۔
واضح رہے کہ مرکزی حکومت کی کئی اسکیمیں جموں و کشمیر کے لیے مختص ہیں اور ان اسکیموں کا بنیادی مقصد جموں کشمیر میں بجلی کے بنیادی ڈھانچے کو مضبوط بنانے کے علاؤہ لوگوں کو بنا خلل بجلی کی فراہمی کو یقینی بنانا ہے۔
