قاضی گنڈ: ویسو قاضی گنڈ مائیگرنٹ کالونی میں رہائش پذیر کشمیری پنڈتوں نے منگل کے روز انتظامیہ کی جانب سے انہیں کواٹرز سے مبینہ طور پر بے دخل کرنے پر خاموش احتجاج کیا ہے۔Kashmiri Pandit Protest in Qazigund
احتجاجی پنڈتوں کا کہنا ہے کہ ویسو کالونی میں تقریباً 380 فیملی رہائش پذیر ہے جن کے لیے صرف 180 کمرے مختص ہیں۔ جگہ کی تنگی کے باعث 66 کنبوں نے صوبائی کمشنر کشمیر کی ہدایت پر 16 جنوری 2021 میں نئی تعمیر شدہ عمارت میں پناہ لی تھی جس کے بعد یہ معاملہ کورٹ میں چلا گیا۔
انہوں نے کہا کہ کورٹ نے جموں و کشمیر انتظامیہ کو ہدایت دی کہ بے آشیانہ پنڈت کنبوں کی رہائش کے لیے انتظامات کئے جائیں، تاہم گزشتہ روز کورٹ نے پنڈتوں کو زیر تعمیر عمارت سے نکالنے کا فیصلہ کیا ہے۔ کورٹ کے فیصلہ پر عمل کرتے ہوئے تحصیلدار کی سربراہی میں ایک ٹیم کالونی پہنچی اور زیر تعمیر بلڈنگ میں رہائش پذیر پنڈتوں کو وہاں سے نکال دیا۔
مزید پڑھیں:
احتجاجی پنڈتوں کا کہنا ہے کہ وہ کورٹ کے فیصلے کا احترام کرتے ہیں لیکن انتظامیہ کو چاہیے کہ وہ بے گھر کنبوں کی رہائش کے لیے انتظامات کرے۔
