اننت ناگ: نیشنل گرین ٹریبونل کی زیر ہدایت پر ضلع ماحولیاتی منصوبہ کے نفاذ کا جائزہ لینے کے لیے، ایڈیشنل ڈپٹی کمشنر غلام حسن شیخ نے جنگلات، ریونیو،طبی اور دیگر متعلقہ محکموں کے افسران کے ساتھ ایک اجلاس کی صدارت ADC Meeting in Anantnag کی۔
اننت ناگ میں ماحولیاتی منصوبہ کے نفاذ کا جائزہ لیا گیا
انہوں نے این جی ٹی کی ہدایات پر عمل آوری کو یقین بنانے کے لیے آپسی تال میل کے ذریعہ کام کرنے کی تلقین کی۔ انہوں نے کہا کہ ٹھوس فضلہ کو سائنسی طور طریقے سے جمع کرنے Scientific Collection of Solid Waste، الگ کرنے اور گاربیج کو معقول طریقہ سے ٹھکانے لگانے کی ضرورت ہے، تاکہ صاف و صفائی کو یقینی بنایا جا سکے۔
انہوں نے کہا کہ پلاسٹک کے بڑھتے ہوئے استعمال کے پیش نظر پلاسٹک کے کچرے کو الگ کرنا زیادہ اہم ہو گیا ہے۔
یہ بھی پڑھیں:Republic DAY Arrangements in Anantnag: اننت ناگ میں یوم جمہوریہ تقریبات کی تیاری مکمل
اجلاس میں فیصلہ کیا گیا کہ اینٹوں کے بھٹہ مالکان کو فضائی آلودگی کو کم کرنے کے لیے ہائی ڈرافٹ زگ زیگ ٹیکنالوجی کے استعمال پر زور دیا جائے گا۔
اے ڈی سی نے ماحولیات کے تحفظ کے حوالے سے عوام میں بیداری پیدا کرنے کے لئے مذہبی اور سماجی اداروں کی شمولیت پر زور دیا۔
