اطلاعات کے مطابق گاؤں میں عسکریت پسندوں کی موجود ہونے کی خفیہ اطلاع ملنے پر سی آر پی ایف، فوج اور جموں و کشمیر پولیس کی اسپیشل ٹیم ایس او جی نے مشترکہ طور پر گاؤں کو محاصرے میں لیا اور تلاشی کاروائی شروع کر دی۔
بجبہارہ کے وپزن علاقے میں تصادم، 2 عسکریت پسند ہلاک تلاشی کاروائی کے دوران عسکریت پسندوں نے سکیورٹی فورسز پر فائرنگ کی جس کے بعد تصادم شروع ہوا۔تصادم میں دو عسکری تنظیم جیش محمد سے تعلق رکھنے والے دو عسکریت پسند ہلاک ہو گئے۔پولیس نے ایک ٹویٹ میں کہا :' بڑی کامیابی، ٹاپ کمانڈر فیاض احمد پنزو اور ان کے ساتھی کو ہلاک کیا گیا۔فیاض احمد 12 جون کو اننت ناگ میں سی آر پی ایف پر ہوئے حملے میں ملوث تھا۔ واضح رہے کہ رواں برس 12 جون کو ضلع اننت ناگ میں عسکریت پسندوں کے حملے میں 5 سی آر ایف کے جوان ہلاک ہو گئے تھے جبکہ ارشد کان نامی ایک ایس ایچ او شدید زخمی ہو گئے تھے، تاہم وہ زخموں کی تاب نہ لاکر دم توڑ گئے۔ای ٹی وی بھارت کے نمائندے نے بتایا کہ تصادم شروع ہوتے ہی علاقے میں انٹر نیٹ خدمات کو معطل کر دیا گیا تھا۔
