بجبہاڑہ میں تلاشی کارروائی شروع

فوج کو اطلاع ملی تھی کہ علاقے میں کچھ عسکریت پسند چھپے ہوئے ہیں۔ اس کے بعد فوج نے کنیلوان علاقے کا محاصرہ کیا۔

ضلع اننت ناگ کے بجبہاڑہ میں واقع کنیلوان میں فوج نے تلاشی کاروائی شروع کی ہے۔ فوج کو مصدقہ اطلاع ملی تھی کہ علاقے میں کچھ عسکریت پسند چھپے ہوئے ہیں۔ اس کے بعد فوج نے کنیلوان علاقے کا محاصرہ کیا۔ اس دوران فوج کی جانب سے علاقہ میں لائٹیں نصب کی گئیں اور گھر گھر تلاشی لی جا رہی ہے۔

علاقے میں تمام داخلی اور خارجی راستوں کو بند کیا گیا ہے۔ کسی کو بھی علاقے کے اندر یا علاقے سے باہر جانے کی اجازت نہیں ہے۔ تمام چوک پر سکیورٹی ناکے بٹھا دیے گئے ہیں۔

مزید تفصیلات کا انتظار ہے۔