عسکریت پسندوں کی فائرنگ سے بی جے پی سرپنچ اور ان کی اہلیہ ہلاک

ضلع اننت ناگ کے لال چوک علاقہ میں سپورٹس اسٹیڈیم کے قریب عسکریت پسندوں نے بی جے پی سرپنچ اور اس کی اہلیہ پر فائرنگ کی جس کے نتیجے میں دونوں میاں بیوی موقعہ پر ہی ہلاک ہو گئے۔

تفصیلات کے مطابق پیر کی سہ پہر نا معلوم بندوق برداروں نے ضلع کولگام کے رہنے والے بی جے پی کے سرپنچ اور اس کی اہلیہ پر فائرنگ کی جس دوران دونوں میاں بیوی شدید طور پر زخمی ہو گئے۔

اگر چہ دونوں کو جی ایم سی اننت ناگ منتقل کیا گیا تاہم ڈاکٹرس نے انہیں مردہ قرار دے دیا۔

ہلاک شدہ کی شناخت ریڈونی کولگام کے رہنے والے غلام رسول ڈار اور ان کی اہلیہ جواہرہ بانو کے طور پر ہوئی ہے

بتایا جا رہا ہے کہ یہ دونوں میاں بیوی اننت ناگ میں ایک کرایہ کے کمرے میں رہ رہے تھے

اس واقعہ کے بعد سکیورٹی فورسز نے پورے علاقے کو محاصرہ میں لے کر حملہ آورں کی تلاش شروع کی ہے