اننت ناگ کے گورنمنٹ مڈل اسکول بونہ دیالگام میں بچوں اور والدین کو سرکاری اسکولوں کی جانب راغب کرنے کی غرض سے میگا انرولمنٹ ڈرائیو کا اہتمام کیا گیا۔ اس موقع پر سرکاری اسکولوں میں کنڈرگارڈن کی شروعات کو ایک اہم سنگ میل قرار دیا گیا۔
بچوں کو سرکاری اسکولوں کی جانب راغب کرنے کے لیے بیداری پروگرام
اس موقع پر بچوں کو سرکاری اسکولوں میں داخل کرانے پر زور دیتے ہوئے مقررین نے کہا کہ سرکاری اسکولوں میں آج بہترین استاد اپنی خدمات انجام دیں رہے ہیں اور بچوں کے لئے سرکار کی جانب سے ہر سہولت فراہم کی جارہی ہیں۔ تاکہ سرکاری اسکولوں کی جانب والدین اور بچے راغب ہوں۔
اس پروگرام میں والدین نے نجی اسکولوں کی جانب سے چارجز اور منتخب شدہ کتاب فروشوں سے کتابیں خریدوانے کا الزام نجی اسکولوں پر لگایا۔ ڈائریکٹر ایجوکیشن سے ان معاملوں میں مداخلت کرنے اور اقدامات اٹھانے کی اپیل کی گئی۔
