اننت ناگ: عاشورہ کی مناسبت سے جلوس کا اہتمام

دنیا بھر میں یوم عاشورہ پورے جوش و جذبہ اور عقیدت و احترام منایا جا رہا ہے۔ اس موقع پر ہزاروں چھوٹے بڑے ماتمی جلوس بھی نکالے جا رہے ہیں اور مجالسوں کا اہتمام کیاجا رہاہے۔

شیعہ طبقے سے جڑے افراد کے لیے عاشورہ سے مراد ماہِ محرم کے پہلے وہ دس ایام ہیں جن میں وہ روایتی عزاداری میں حصہ لیتے ہیں۔ ساتویں صدی میں پیغمبرِ اسلامﷺ کے نواسے امام حسینؓ اور ان کے اقربا کی شہادت پر ہر برس ماہ محرم میں لوگ عزاداری کرتے ہیں۔

ضلع اننت ناگ کے ولرحامہ پہلگام اور چھترگل میں بھی آج عزاداروں نے 10 محرم الحرام کے موقع پر جلوس نکالے اور مجالس منعقد کی۔ عاشورہ کے دوران عزاداروں نے ماتم کے ذریعے کربلا میں گزرنے والے سانحہ کو یاد کیا۔ ولرحامہ پہلگام اور چھترگل اننت ناگ میں عقیدت مندوں نے ذوالجناح بھی نکالے۔۔

ذوالجناح اس گھوڑے کو کہتے ہیں جس پر جنگ کے دوران پیغمبر اسلامﷺ کے نواسے سوار تھے۔