'موقف پر قائم نہ رہنے کا محبوبہ مفتی پر الزام'

اننت ناگ کے بوائیز ڈگری کالج کھنہ بل میں 'اپنی پارٹی' کی جانب سے رائے دہندگان کو راغب کرنے اور پارٹی کو زمینی سطح پر مضبوط کرنے کے لئے عوامی ریلی کا انعقاد کیا گیا۔ پارٹی کارکنان کو خطاب کرتے ہوئے اپنی پارٹی کے صدر سید الطاف بخاری نے پی ڈی پی کی صدر محبوبہ مفتی پر اپنے موقف پر قائم نہیں رہنے کا الزام لگایا۔

جموں و کشمیر اپنی پارٹی کے سربراہ سید الطاف بخاری نے پی ڈی پی کی صدر محبوبہ مفتی پر یہ الزام لگایا ہے کہ' وہ اپنے موقف پر قائم نہیں رہتی ہیں'۔

اننت ناگ میں پارٹی کارکنان کے اجلاس سے خطاب کے بعد الطاف بخاری نے کہا کہ' پی ڈی پی و دیگر حریف جماعتیں اپنی پارٹی کو بھارتیہ جنتا پارٹی کے ساتھ منسلک کر کے لوگوں کو گمراہ کر رہی ہیں۔ جبکہ ان کا ایجنڈا بالکل واضح ہے۔

اس موقع پر رفیع احمد میر، عبدالرحیم راتھر اور غلام حسن میر بھی موجود رہے۔ اس موقع پر کئی افراد نے اپنی پارٹی میں شمولیت بھی اختیار کی۔ الطاف بخاری نے لوگوں کو ڈی ڈی سی انتخابات میں 'اپنی پارٹی' کے امیدواروں کو ووٹ دینے کی اپیل بھی کی۔