جموں و کشمیر: ایس پی او ہلاک

اننت ناگ کے مٹن چوک علاقے میں پراسرار فائرنگ کے نتیجے میں جموں و کشمیر پولیس میں بحیثیت ایس پی او تعینات نظیر احمد زخمی ہو گئے تھے۔

تفصیلات کے مطابق نظیر احمد ڈیوٹی پر مامور تھے اور اس دوران پراسرار طور پر فائرنگ ہوئی اور نظیر احمد تین گولیاں لگنے سے شدید طور پر زخمی ہو گئے۔

زخمی ایس پی او کو بعد میں جنگلات منڈی اسپتال میں داخل کرایا گیا جہاں سے انھیں سرینگر منتقل کیا گیا مگر ڈاکٹرز نے ان کو مردہ قرار دے دیا۔

پولیس نے اس سلسلے میں کیس درج کر کے تحقیقات شروع کر دی ہے۔