اننت ناگ پولیس نے آج ایک لوڈ کیرئر سمیت 1500 لیٹر مٹی کا تیل جسے غیرقانوی طور پر منتقل کیا جارہا تھا کو ضبط کرلیا۔
تفصیلات کے مطابق جنوبی ضلع اننت ناگ کے ہرناگ علاقہ میں پولیس نے ایک لوڈ کیرئر سے 1500 لیٹر غیر قانونی مٹی کا تیل کو ضبط کیا۔ اس سلسلہ میں ضلع کولگام کے ریڈونی علاقہ سے تعلق رکھنے والے دو افراد کو بھی گرفتار کرلیا گیا۔
پولیس نے گرفتار ملزمین کی شناخت شکیل اور سرگار کے طور پر کی ہے جکہ دونوں کے خلاف مقدمہ درج کیا گیا۔ ایس ایس پی اننت ناگ امتیاز حسین نے پولیس ٹیم کی ستائش کی۔ پولیس نے چوکی کھنہ بل سے وابستہ ایک ٹیم نے مصدقہ اطلاع موصول ہونے کے بعد یہ کاروائی انجام دی، جس کی قیادت ڈی او منظور احمد میں کی گئی جس کی نگرانی ڈی ایس پی ہیڈکوارٹر اور ایس ایچ او کر رہے تھے۔
