آندھراپردیش: ضلع کرشنا میں خطرناک سڑک حادثہ

آندھراپردیش کے ضلع کرشنا میں پیش آئے خطرناک سڑک حادثے میں چار افراد ہلاک ہوگئے۔

یہ حادثہ ضلع کے جگیاپیٹ منڈل کے گریکاپاڈو چیک پوسٹ کے قریب اُس وقت پیش آیا جب دوتیز رفتار کاروں کا تصادم ہوگیا۔یہ حادثہ اتنا خطرناک تھا کہ دو افراد موقع پر ہی ہلاک ہوگئے جبکہ دو کی موت ہسپتال منتقلی کے دوران ہوگئی۔
عینی شاہدین نے بتایا کہ ایک تیز رفتار کار کے ڈرائیور نے توازن کھودیاجس کے نتیجہ میں کار دوسری کار سے ٹکرا گئی۔ایک کار میں سفر کرنے والوں کا تعلق محبوب نگر ضلع سے ہے۔حادثہ اتنا شدید تھا کہ دونوں کاروں کو شدید نقصان پہنچا۔حادثہ کا مقام دلخراش منظر پیش کررہا تھا۔ اطلاع ملتے ہی پولیس مقام حادثہ پہنچی اور کاروں کو وہاں سے ہٹا دیا اور اس سلسلہ میں ایک معاملہ درج کرکے جانچ شروع کردی۔