چندرابابو نایڈو کا جگن کو مکتوب

آندھراپردیش کے سابق وزیراعلی و تلگودیشم کے قومی صدر این چندرابابونائیڈو نے وزیراعلی وائی ایس جگن موہن ریڈی کو مکتوب روانہ کرتے ہوئے حکومت سے درخواست کی کہ ایم جی این آر ای جی اے اسکیم کو نظر انداز نہ کیاجائے۔انہوں نے الزام لگایا کہ حکومت نے گزشتہ چار ماہ سے پروجکٹ پر توجہ مرکوز نہیں کی ہے۔

انھوں نےکہا کہ مزدوروں کو تنخواہیں نہیں مل رہی ہیں۔بابو نے تعجب کا اظہار کرتے ہوئے لکھا کہ چار ماہ سے کیا ہورہا ہے؟انہوں نے مزید کہا کہ حکومت کی پالیسیز انہدامی کارروائیوں اور کنٹریکٹس کو ختم کرنے کے سبب متنازعہ بن گئی ہیں۔ اس ضمن میں چندرابابو نے مطالبہ کیا کہ ای پی ایف کو فوری طورپر جاری کیاجائے۔زیر التوا بلز کو ترجیحی بنیادوں پر ادا کیاجائے۔اس مکتوب میں زور دیتے ہوئے کہا گیا کہ اس بات کو یقینی بنایاجائے کہ مزدوروں کا ذریعہ معاش متاثر نہ ہونے پائے۔